ਸੁਰੱਖਿਆ ਸਵਾਲ ਕੀ ਹਨ?

ਸੁਰੱਖਿਆ ਸਵਾਲ ਇਕ ਸੁਰੱਖਿਆ ਵਿਸ਼ੇਸ਼ਤਾ ਹੈ ਜੋ ਕਿ ਵਾਧੂ ਪੱਧਰ ਦੀ ਸੁਰੱਖਿਆ ਜੋੜਦੀ ਹੈ। ਤੁਸੀਂ ਆਪਣੀ ਪਸੰਦ ਦੇ ਕੋਈ ਵੀ ਤਿੰਨ ਸਵਾਲਾਂ ਦੇ ਜਵਾਬ ਦੇਣ ਲਈ ਸੁਤੰਤਰ ਹੋ। ਤੁਹਾਡੇ ਦੁਆਰਾ ਹੁਣੇ ਦਿੱਤੇ ਗਏ ਜਵਾਬਾਂ ਨੂੰ ਰਿਕਾਰਡ ਕੀਤਾ ਜਾਵੇਗਾ ਅਤੇ ਪੂਰੀ ਤਰਾਂ ਨਾਲ ਗੁਪਤ, ਰੱਖਿਆਤਮਕ ਅਤੇ ਸੁਰੱਖਿਅਤ ਰੱਖਿਆ ਜਾਵੇਗਾ। ਸਾਡਾ ਸੁਰੱਖਿਆ ਇੰਜਨ ਤੁਹਾਡੀ ਸੁਰੱਖਿਆ ਲਈ ਪਿੱਠਭੂਮੀ ਵਿੱਚ ਚਲਦਾ ਰਹੇਗਾ ਅਤੇ ਤੁਹਾਡੇ ਤੋਂ ਇਕ ਸਵਾਲ ਪੁੱਛ ਸਕਦਾ ਹੈ ਜੇਕਰ (ਅਤੇ ਸਿਰਫ ਤਾਂ) ਇਹ ਤੁਹਾਡੇ ਆਮ ਔਨਲਾਈਨ ਬੈਂਕਿੰਗ ਉਪਯੋਗ ਵਿਵਹਾਰ ਤੋਂ ਕੋਈ ਵਿਚਲਨ ਦੇਖਦਾ ਹੈ। ਪੁੱਛੇ ਜਾਣ ’ਤੇ, ਤੁਹਾਨੂੰ ਸਵਾਲ ਦਾ ਜਵਾਬ ਬਿਲਕੁਲ ਉਸੇ ਤਰੀਕੇ ਨਾਲ ਦੇਣਾ ਪਵੇਗਾ ਜਿਵੇਂਕਿ ਤੁਸੀਂ ਪਹਿਲਾਂ ਇਸ ਦਾ ਉੱਤਰ ਦਿੱਤਾ ਸੀ।

ਕਿਰਪਾ ਕਰ ਕੇ ਇਹ ਨੋਟ ਕਰੋ ਕਿ ਤੁਹਾਡੇ ਜਵਾਬਾਂ ਦਾ ਉਪਯੋਗ ਸਿਰਫ ਤੁਹਾਡੀ ਪਛਾਣ ਦੀ ਪੁਸ਼ਟੀ ਕਰਨ ਲਈ ਕੀਤਾ ਜਾਵੇਗਾ ਜਦੋਂ ਸਾਡਾ ਸੁਰੱਖਿਆ ਇੰਜਨ ਤੁਹਾਡੇ ਆਮ ਵਿਵਹਾਰ ਤੋਂ ਕੋਈ ਵਿਚਲਨ ਦੇਖਦਾ ਹੈ।

ਇਹਨਾਂ ਸੁਰੱਖਿਆ ਸਵਾਲਾਂ ਨੂੰ ਸੈੱਟ ਕਰਦੇ ਸਮੇਂ ਮੈਨੂੰ ਕੀ ਧਿਆਨ ਵਿੱਚ ਰੱਖਣਾ ਚਾਹੀਦਾ ਹੈ?

ਅਜਿਹੇ ਤਿੰਨ ਸਵਾਲ ਹਨ ਜਿਹਨਾਂ ਨੂੰ ਕਿ ਤੁਸੀਂ ਆਪਣੇ ਨਿੱਜੀ ਉੱਤਰਾਂ ਨਾਲ ਸੈੱਟ ਕੀਤਾ ਹੈ ਜੋ ਤੁਹਾਡੀ ਪਛਾਣ ਦੀ ਤਸਦੀਕ ਕਰਨ ਵਿੱਚ ਸਾਡੀ ਸਹਾਇਤਾ ਕਰਦੇ ਹਨ। ਇਹਨਾਂ ਸਵਾਲਾਂ ਨੂੰ ਸੈੱਟ ਕਰਦੇ ਸਮੇਂ ਤੁਹਾਨੂੰ ਨਿਮਨਲਿਖਤ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ:

• ਇਹ ਤੁਹਾਡੇ ਲਈ ਨਿੱਜੀ ਹੋਣੇ ਚਾਹੀਦੇ ਹਨ
• ਇਹ ਤੁਹਾਡੇ ਲਈ ਯਾਦ ਰੱਖਣੇ ਸੌਖੇ ਪਰ ਕਿਸੇ ਹੋਰ ਲਈ ਬੁੱਝਣੇ ਔਖੇ ਹੋਣੇ ਚਾਹੀਦੇ ਹਨ
• ਇਹ ਸ਼ੋਸ਼ਲ ਮੀਡੀਆ ’ਤੇ ਤੁਹਾਡੀ ‘ਜਨਤਕ’ਪ੍ਰੋਫਾਈਲ ਤੋਂ ਨਹੀਂ ਹੋਣੇ ਚਾਹੀਦੇ ਹਨ
• ਇਹਨਾਂ ਜਵਾਬਾਂ ਦਾ ਖੁਲਾਸਾ ਕਿਸੇ ਹੋਰ ਅੱਗੇ ਨਹੀਂ ਕਰਨਾ ਚਾਹੀਦਾ ਹੈ

ਨੋਟ ਕਰੋ ਕਿ ਕੋਈ ਵੀ ਅਧਿਕਾਰਤ ਬੈਂਕ ਕਰਮਚਾਰੀ ਇਹ ਸਵਾਲ ਕਦੇ ਨਹੀਂ ਪੁੱਛੇਗਾ।

ਮੈਨੂੰ ਇਹ ਸਵਾਲ ਕਦੋਂ ਪੁੱਛੇ ਜਾਣਗੇ?

ਤੁਹਾਨੂੰ ਬਿਹਤਰ ਸੁਰੱਖਿਆ ਪ੍ਰਦਾਨ ਕਰਨ ਲਈ ਸਾਡਾ ਸੁਰੱਖਿਆ ਇੰਜਨ ਪਿੱਠਭੂਮੀ ਵਿੱਚ ਚਲਦਾ ਰਹੇਗਾ। ਸਾਡਾ ਸਿਸਟਮ ਤੁਹਾਡੇ ਤੋਂ ਇਕ ਸਵਾਲ ਪੁੱਛ ਸਕਦਾ ਹੈ ਜੇਕਰ (ਅਤੇ ਸਿਰਫ ਤਾਂ) ਇਹ ਤੁਹਾਡੇ ਆਮ ਔਨਲਾਈਨ ਬੈਂਕਿੰਗ ਉਪਯੋਗ ਵਿਵਹਾਰ ਤੋਂ ਕੋਈ ਵਿਚਲਨ ਦੇਖਦਾ ਹੈ।

ਜਦੋਂ ਤੁਸੀਂ ਕੋਈ ਲੈਣ-ਦੇਣ ਪੂਰਾ ਕਰ ਰਹੇ ਹੋ ਜਾਂ ਔਨਲਾਈਨ ਬੈਂਕਿੰਗ ਵਿੱਚ ਲੌਗਿਨ ਕਰ ਰਹੇ ਹੋ, ਤਾਂ ਤੁਹਾਨੂੰ ਸੰਕੇਤ ਦਿੱਤਾ ਜਾ ਸਕਦਾ ਹੈ। ਇਹ ਸੰਕੇਤ ਔਨਲਾਈਨ ਬੈਂਕਿੰਗ ਵਿੱਚ ਤੁਹਾਡੀ ਪਛਾਣ ਦੀ ਤਸਦੀਕ ਕਰਨ ਲਈ ਹੋਵੇਗਾ।