तुमच्या कार्डाबद्दलची माहिती

सुरक्षित राखण्यासाठी सूचना

हे अवश्य करावे :
  • बँकेद्वारे पाठवल्या गेलेल्या अलर्ट्सकडे (सावध करणाऱ्या सूचनांकडे) लक्ष द्या, उदा. व्यवहारांबद्दलच्या सूचना, पत्ता/मोबाइल क्रमांकातील बदलांबद्दल इ. आणि जर कोणतीही त्रुटी आढळली तर बँकेला त्याबद्दल माहिती द्या.
  • जर बँकेला दिलेल्या पत्त्यात किंवा मोबाइल क्रमांकात बदल झाला असेल तर त्याबद्दल बँकेला ताबडतोब कळवा.
  • तुमचा पर्सनल आयडेंटिफिकेशन नंबर (पिन) लक्षात ठेवा, तो नियमितपणे बदला, आणि पिन नंबर लिहून ठेवलेली सर्व कागदपत्रे नष्ट करा.
  • मर्चंट आऊटलेटवर व्यवहार केल्यानंतर तुम्हाला परत दिले गेलेले क्रेडिट/डेबिट कार्ड तुमचेच आहे ना हे तपासून पहा.
  • मर्चंट आऊटलेटवर व्यवहार करताना तुमच्या उपस्थितीतच तुमचे क्रेडिट/डेबिट कार्ड स्वाइप करण्याचा आग्रह धरा.
  • व्यवहार केल्यानंतर व्यवहाराबद्दल दिला जाणारा संदेश तपासा व रक्कम तीच आहे ना ते पहा.
  • पीओएस मशीन्स व एटीएम्समध्ये कार्ड घालताना क्रेडिट/डेबिट कार्डाचा पिन क्रमांक कोणालाही दिसत नाही ना याची खात्री करून घ्या.
  • जर तुमचे क्रेडिट/डेबिट कार्ड हरवले किंवा जर तुम्ही चुकून त्याबद्दलची माहिती इतर कोणाला सांगितली असेल तर त्याबद्दल बँकेशी ताबडतोब संपर्क साधा.
  • बँकेचा ग्राहकसेवा क्रमांक तुमच्याजवळ सतत ठेवा, म्हणजे जर तुम्हाला कोणत्याही साहाय्याची गरज भासली/ आपत्कालीन परिस्थिती उद्भवली/ कार्ड हरवले/ व्यवहारांबद्दल विवाद असले तर तुम्ही ताबडतोब संपर्क साधू शकाल.

 

खोट्या संदेशांपासून/ कॉल्सपासून/ ईमेल्सपासून सावध राहा आणि अशा कोणत्याही संदेशाला उत्तर म्हणून तुमची माहिती देऊ नका.

हे करू नका:
  • तुमचे क्रेडिट/डेबिट कार्ड कोणालाही देऊ नका, जरी त्यांनी आपण इंडसइंड बँकेचे प्रतिनिधी आहोत असे सांगितले तरीही.
  • तुमचा पिन/ओटीपी/सीव्हीव्ही/व्हीबीव्ही/मास्टर सेक्युअर पासवर्ड कोणालाही सांगू नका. बँक किंवा इतर कोणतीही सरकारी संस्था तुमच्याकडे ही माहिती विचारणार नाही.
  • असुरक्षित वाय-फाय नेटवर्क वापरून तुमच्या कार्डाचे/ खात्यातील व्यवहार करू नका किंवा सार्वजनिक ठिकाणांवर अशा नेटवर्क्सवरून ऑनलाइन खरेदी करू नका.

 

एटीएमच्या ठिकाणी अनोळखी व्यक्तींची मदत घेऊ नका, जरी त्यांनी स्वत:हून मदत करायची तयारी दाखवली तरीही.

ऑनलाइन बँकिंग व्यवहार

सुरक्षितपणे करण्यासाठी सूचना

  • तुमचा लॉगिन पासवर्ड व डेबिट कार्ड पिन प्रविष्ट करण्यासाठी व्हर्च्युअल कीपॅडचा उपयोग करा.
  • तुम्ही पहिल्यांदा लॉगिन केल्यावर तुमचा लॉगिन पासवर्ड व ट्रांझॅक्शन पासवर्ड बदला.
  • तुमचा पासवर्ड वारंवार बदला, किंवा किमान महिन्यातून एकदा बदला. पासवर्ड बदलण्यासाठी चेंज पासवर्ड हा पर्याय वापरा.
  • पासवर्ड लक्षात ठेवल्यानंतर तो लिहिलेला कागद नष्ट करा, पासवर्ड कुठेही लिहून ठेवू नका किंवा साठवू नका
  • तुमचा पासवर्ड कोणालाही सांगू नका; तो खासगी व गोपनीय असतो
  • इतरांना ओळखणे कठीण होईल असा पासवर्ड तयार करा. ओळखायला सोपे असलेले पासवर्ड निवडू नका, उदा. जन्मतारीख, टेलिफोन क्रमांक किंवा क्रमाने येणारे क्रमांक उदा. १११११, १२३४५ इ.
  • पासवर्ड तयार करताना त्यात अक्षरे व संख्या दोन्हींचा वापर करा, तसेच लोअर केस व कॅपिटल लेटर्सचा वापर करा.
  • सेवेचा वापर केल्यानंतर किंवा तुम्ही तुमच्या पीसीपासून दूर असणार असाल तेव्हा इंडसनेट, इंडसडायरेक्ट, कनेक्ट ऑनलाईन, इंडस स्पीड रेमिट आणि इंडस कलेक्ट ह्या आमच्या डिजिटल बँकिंग प्लॅटफॉर्म्समधून नेहमी लॉग आऊट करत जा. सुरक्षिततेच्या कारणांसाठी, जर तुमच्या ब्राऊजरवर काही काळ कोणतीही कृती केली गेली नाही तर तुमची लॉगिन सेशन्स समाप्त केली जातील.
  • नेहमी लॉग आऊट केल्यानंतर ब्राऊजर ऍप्लिकेशन बंद करायचे लक्षात ठेवा.
  • सार्वजनिक ठिकाणी/ उघड्या जागांवर बसवलेल्या कॉंप्युटर्सवर नेट बँकिंगचे व्यवहार करणे टाळा.
  • जर तुम्हाला ऑनलाइन व्यवहारांबद्दल नीट माहिती नसेल, तर हे व्यवहार करू नका, किंवा याबद्दल बँकेकडून नीट मार्गदर्शन घ्या.
  • तुम्ही चुकीचे व्यवहार केल्यास किंवा तुमची माहिती इतरांना सांगितल्यास त्याबद्दल आम्ही जबाबदार असणार नाही. व्ह्यूइंग (पाहण्यासाठीचे) व ट्रॅन्झॅक्टिंग (व्यवहार करण्यासंबंधीचे) पर्याय वेगवेगळे असतात. तुमचा पर्याय काळजीपूर्वक निवडा.
  • कृपया तुमच्या बिझनेस सर्व्हर्सवर, डिव्हायसेस वर आणि संबंधित पायाभूत यंत्रणेवर आवश्यक ती सुरक्षितता संबंधित साधने (उदा. ऍन्टिव्हायरस / फायरवॉल) सक्षम करून ठेवा.
  • आम्ही पुरवलेले एपीआय वापरून पेमेंट प्रक्रिया करताना वापरण्यात येणारी डिव्हायसेस, कर्मचारी, सर्व्हर्स आणि संबंधित पायाभूत यंत्रणा सुरक्षित आणि अधिस्वीकृत असल्याची खात्री करा.

 

तुमचे मोबाइल ऍप व्य

वहार सुरक्षित करा

  • इंडसइंड बँकेचे मोबाइल बँकिंग ऍप (इंडसडायरेक्ट कॉर्पोरेट मोबाइल बँकिंग ऍप सुद्धा) गूगल प्लेस्टोअर / ऍपल ऍप स्टोअरवरूनच डाऊनलोड करा.
  • डाऊनलोड करण्यापूर्वी ते ऍप इंडसइंड बँक लिमिटेड यांनीच विकसित केलेले आहे ना याबद्दल खात्री करून घ्या.
  • जर एखाद्या ऍपमध्ये आवश्यकतेपेक्षा जास्त परवानग्या मागितल्या जात असतील तर अशी ऍप इन्स्टॉल करू नका.
  • तुमच्या मोबाईलवर सुरक्षिततेसाठी मोबाइल प्रोटेक्शन ऍप बसवा आणि प्रसिद्ध कंपनीचे अँटी व्हायरस इन्स्टॉल करा व वापरा.
  • तुमचे उपकरण रूट किंवा जेल-ब्रेक करू नका. असे केल्यामुळे तुमच्या उपकरणावरील सुरक्षिततेबद्दलची सर्व नियंत्रणे नष्ट होतील.
  • तुमच्या मोबाइलसाठी स्क्रीन इनऍक्टिविटी लॉक बसवा व त्यासोबतच पासकोड/ पॅटर्न/ फिंगरप्रिंट / फेस रेकग्निशन (चेहरा ओळखणारे) अनलॉक बसवून घ्या.
  • तुमच्या मोबाइलवर पासवर्ड्स किंवा इतर कोणतीही संवेदनशील महत्त्वाची माहिती साठवू नका.

 

सोशल मीडियातून मिळालेल्या लिंक्सवर, त्यांच्या स्रोताबद्दल खात्री करून घेतल्याखेरीज क्लिक करू नका.

 

लबाडीचे संपर्क/संदेश

टाळण्यासाठी सूचना

इमेल्स
  • संवेदनशील माहिती, उदा. लॉगिन आयडी, पासवर्ड्स आणि खात्याबद्दलची इतर गोपनीय माहिती, पाठवायला सांगणाऱ्या संशयास्पद ईमेल्सपासून सावध राहा.
  • असे ईमेल्स तुम्हाला एखाद्या खोट्या वेबसाईटकडेही घेऊन जाऊ शकतात, जी बँकेच्या खऱ्या वेबसाईटसारखीच दिसते, किंवा अशा ईमेल्सद्वारे तुम्हाला तुमची बँकिंगबद्दलची माहिती अद्ययावत करायची विनंती केली जाते.
  • बँक असे ईमेल्स पाठवत नाही आणि तुम्ही अशा ईमेल्सकडे दुर्लक्ष करावे आणि वैयक्तिक माहिती विचारणाऱ्या कोणत्याही विनंत्यांना उत्तर देऊ नये.
  • अशा संशयास्पद ईमेल्सची माहिती तत्काळ येथे कळवा
  • स्कॅम ईमेल्स (फसव्या ईमेल्स) पासून सावध राहा. अशा ईमेल्समधून तुम्हाला एखाद्या व्हायरसला डाऊनलोड करण्याची विनंती केली जाते किंवा फसव्या वेबसाइटवर क्लिक करायला सांगून तुमची गोपनीय माहिती मागवली जाते.
  • तुम्ही ज्या वेबसाइटवरून व्यवहार करत आहात त्यांची प्रायव्हसी (गोपनीयता) आणि सेक्युरिटी (सुरक्षितता) यांबद्दलची स्टेटमेंटस आहेत ना याबद्दल खात्री करून घ्या आणि ती काळजीपूर्वक वाचा.
  • वेबसाइटचा पत्ता (यूआरएल) हा www.indusind.com असाच आहे ना ते पहा, किंवा यूआरएल तुम्ही स्वत: टाइप करा.
  • ईमेलमध्ये किंवा त्रयस्थ वेबसाइट्सवर दिलेल्या हायपरलिंकवर क्लिक करून इंडसनेटमध्ये, इंडसडायरेक्टमध्ये, कनेक्ट ऑनलाईनमध्ये, इंडस स्पीड रेमिटमध्ये आणि इंडसकलेक्टमध्ये लॉग इन करू नका.
  • जर तुम्हाला कोणत्याही ईमेलमध्ये तुमची वैयक्तिक माहिती देण्याची विनंती करण्यात आली तर अशा ईमेलला उत्तर देऊ नका. तुमचे पासवर्ड्स कोणालाही सांगू नका.
  • जर एखादा ईमेल कोणी पाठवला याबद्दल तुम्हाला संशय असेल आणि त्या इमेलबरोबर अटॅचमेंट जोडलेली असेल तर ती उघडू नका.
  • वेब पेजच्या खालच्या बाजूला उजवीकडे कुलुपाचे चित्र आहे का ते पाहा, ज्यामुळे तुम्ही कोणतीही संवेदनशील माहिती भरण्यापूर्वी, ती साइट सुरक्षित पद्धतीत चालवली जाते आहे का ते तुम्हाला तपासता येईल.
  • कॉंप्युटर्सचा वापर केला जात नसेल तेव्हा ते ऑनलाइन स्थितीत ठेवू नका. एकतर ते पूर्णपणे बंद करा किंवा तुमचे त्या कॉंप्युटरला जोडलेले इंटरनेटचे कनेक्शन थेट काढून घ्या.
  • जर कोणत्याही प्रकारची असाधारण गोष्ट दिसून आली तर त्याबद्दल ताबडतोब बँकेला माहिती द्या.
  • तुमच्या पर्सनल कॉंप्युटरवर सेक्युरिटी पॅचेस वेळोवेळी डाऊनलोड करून कॉंप्युटर अद्ययावत स्थितीत ठेवा. शिवाय तुमच्या कॉंप्युटरवरील अँटी-व्हायरस सॉफ्टवेअर आणि फायरवॉल सॉफ्टवेअर नियमितपणे अपडेट करा.

 

तुमच्या सेशन्सवर लक्ष ठेवण्यासाठी नेहमी तुमच्या शेवटच्या लॉगिनबद्दलची माहिती तपासून पहा.

फोन कॉल्स/ एसएमएस
  • लबाड व्यक्ती तुम्हाला एखादा फोन कॉल करून किंवा टेक्स्ट मेसेज पाठवून तुमची माहिती विचारू शकतील.
  • तुम्हाला एखाद्या विशिष्ट क्रमांकाला कॉल करण्याची विनंती केली जाईल आणि तुमच्या क्रेडिट कार्डाबद्दलची माहिती पडताळून पहायची आहे या बहाण्याखाली इंटरऍक्टिव्ह व्हॉइस रिस्पॉन्स सिस्टीमद्वारे तुमची गोपनीय माहिती सांगायची किंवा टाइप करण्याची विनंती केली जाईल.
  • तुमची गोपनीय माहिती विचारणऱ्या कोणत्याही संदेशांना उत्तर देऊ नका.
  • तुम्हाला दिलेल्या क्रमांकाला किंवा कोणत्याही अनोळखी क्रमांकाला फोन करू नका, तो फिशिंगचा प्रयत्न असू शकतो
  • जर तुम्हाला असे संशयास्पद किंवा खोटे वाटणारे संदेश किंवा फोन कॉल्स मिळाले तर ताबडतोब बँकेशी संपर्क साधा.
डोमेन फ्रॉड (डोमेनच्या बाबतीतील अफरातफरीचे कृत्य) पासून सुरक्षित राहा

डोमेन फ्रॉड टाळण्यासाठीची पहिली पायरी म्हणजे स्कॅम किंवा अफरातफरीचे कृत्य कसे केले जाते ते समजून घेणे. डोमेन फ्रॉड ही प्रसिद्ध ब्रँडसच्या नावाची डोमेन नावे तयार करून त्यांचा अनैतिक पद्धतीने वापर करून यूजर्सना (वापरकर्त्यांना) किंवा बिझनेसना (व्यवसायांना) आर्थिक व्यवहारांसाठी दुसऱ्याच ठिकाणी पाठवण्याची पद्धत असते. सायबर गुन्हेगार विश्वासार्ह ब्रँड नावांची नक्कल करून खालीलपैकी एखादा हल्ला करू शकतात:

  • वायर ट्रान्स्फर फ्रॉड (पैशांच्या हस्तांतरणामध्ये अफरातफर करणे)
  • फिशिंग (एखादा विश्वासार्ह ब्रँड किंवा कंपनी असल्याचे भासवून तुम्हाला गोपनीय माहिती उघड करायला लावणे)
  • नकली मालाची विक्री
  • सेशन स्टीलिंग (तुमचे सेशन सुरू असताना ते दुसऱ्याच उद्देशासाठी वळवणे)

इंडसइंड बँक तुम्हाला ही माहिती

कधीही विचारणार नाही

  • पिन (पर्सनल आयडेंटिफिकेशन नंबर)
  • ओटीपी (वन टाइम पासवर्ड )
  • सीव्हीव्ही (कार्ड व्हेरिफिकेशन व्हॅल्यू)
  • कार्ड समाप्त होण्याची तारीख
  • तुमचे इंडसनेट लॉगिन आयडी किंवा ट्रँझॅक्शन पासवर्ड

डिजिटल पेमेंट्स सुरक्षितपणे

आणि विनासायास करा

काय करावे?
  • लबाडीने केल्या गेलेल्या कॉल्सपासून सावध राहा (विशिंग), ज्यामध्ये तुम्हाला त्रयस्थ ऍप डाऊनलोड करायला सांगितले जाते किंवा गोपनीय माहिती देण्यास सांगितले जाते (असे कॉल्स ताबडतोब बंद करा)
  • जर तुम्ही आधीपासूनच एखादे रीमोट ऍक्सेस ऍप डाऊनलोड केलेले असेल आणि त्याची तुम्हाला आता गरज नसेल तर ते ताबडतोब काढून टाका
  • तुमच्या पेमेंटसवर किंवा मोबाइल बँकिंग संबंधित ऍप्सवर ऍप-लॉक लावण्याची क्षमता घाला.
  • जर कोणत्याही प्रकारे संशयास्पद हालचाली आढळल्या तर जवळच्या बँक शाखेत/ अधिकृत ग्राहक सेवा केंद्रालाच कळवा
  • यूपीआयद्वारे व्यवहार करण्यापूर्वी व्यवहार वैध असल्याबद्दल खात्री करून घ्या, याबद्दलचा एक आदर्श नियम असा आहे की यूपीआयमधून पैसे प्राप्त करण्यासाठी कोणताही पिन आवश्यक नाही.
  • यूपीआयद्वारे व्यवहार करताना लबाडीच्या/ नकली ऍप्लिकेशन्सपासून सावध राहा, यूपीआय व्यवहारांसाठी विश्वसनीय ऍप्लिकेशन्सचा उपयोग करण्यास प्राधान्य द्या.
  • तुमची माहिती तुमच्या बँकेकडे अद्ययावत करा.
  • जर तुम्हाला कोणताही असाधारण व्यवहार आढळला तर ताबडतोब बँकेला त्याबद्दल कळवा.

काय करू नये

  • कधीही तुमचे यूपीआय पिन, सीव्हीव्ही व ओटीपी दुसऱ्या कोणालाही फोनवरून/ एसएमएसद्वारे/ इमेलद्वारे सांगू नका, जरी दुसऱ्या बाजूची व्यक्ती बँकेतून फोन करत असल्याचे सांगत असली तरीही.
  • कधीही बँकिंग पासवर्ड तुमच्या मोबाइलच्या हँडसेटमध्ये साठवू नका
  • अनोळखी सेंडर्सकडून आलेल्या मनी रिक्वेस्ट म्हणजेच पैसे पाठवण्याबद्दलच्या विनंतीच्या बाबतीत सावध राहा कारण यूपीआय मनी रिक्वेस्ट स्वीकारणे म्हणजे तुमच्या खात्याला डेबिट पडणे होय. फक्त तुम्हाला माहीत असलेल्या सेंडर्सकडून आणि पडताळलेल्या व्यापाऱ्यांकडूनच विनंती स्वीकारा.
  • बँकेचा प्रतिनिधी आहे असे सांगणाऱ्या व्यक्तीच्या विनंतीवरून जर तुम्हाला कोणताही अनाहूत एसएमएस आला तर तो कोणालाही पुढे पाठवू नका.
  • अनोळखी ऍप्सना परवानगी देऊ नका/ प्रवेश देऊ नका
  • ज्यांमध्ये यूपीआय पेमेंटकडे पाठवणाऱ्या लिंक्स असतील असे विश्वासार्ह नसलेले एसएमएस/ ईमेल्स कधीही उघडू नका

 

सर्वसाधारण माहिती सुरक्षा सर्वोत्तम पद्धतींविषयी अधिक जाणून घेण्यासाठी कृपया येथे भेट द्या.
Be aware of the mechanisms used by Fraudsters to steal your money. Follow simple steps to protect yourself from them. Click here.